AGTERGROND  

q       Vir die afgelope 12 jaar, werk ek met Breinprofiele. Ek doen hierdie werk wanneer ek in Suid-Afrika is en ook wanneer ek oorsee is - met behulp van e-pos.

q       Ek werk met die konsep, Breinvoorkeure.  Wat is Breinvoorkeure?  Breinvoorkeure verwys na ʼn persoon se unieke kombinasie van sterkpunte en swakpunte.   Dit verduidelik die verskille tussen mense, hoekom mense op verskillende maniere dink en optree en hoekom sekere mense hou van en uitblink in sekere aktiwiteite en ander mense weer gemaklik voel met en presteer in ander aktiwiteite.   

q       Breinvoorkeure is die boublokke wat gebruik word, om ʼn persoon se Breinprofiel saam te stel.  

WAT DOEN BREINPROFIELE?  

q       Breinprofiele gee raad en rigting i.v.m. vakkeuses, beroepskeuses en ander leefstyl-keuses.  

q       ʼn Breinprofiel bevestig nie net ʼn persoon se bekende en bestaande sterkpunte en suksesse nie, maar dit identifiseer ook ʼn persoon se verborge en onontwikkelde potensiaal.  

q       Breinprofiele gee vir mense selfvertroue en laat hulle goed voel oor hulself.  

WIE KAN DEUR BREINPROFIELE GEHELP WORD?

Enigeen tussen die ouderdomme van 12 tot 80, kan hierby baat !  

Vir Gr 7-12 Leerders :

• Is daar vakke op skool wat jy nie geniet nie?
• Vaar jy swak op skool en druip jy van jou toetse en eksamens?
• Het jy min selfvertroue en is jy ongelukkig op skool?
• Is jy onseker oor watter vakke jy vir Graad 10-12 moet kies?
• Weet jy nie watter kursus om te studeer of watter beroep jy na skool moet volg nie?

Vir Studente :

• Geniet jy nie die vakke in jou kursus nie? 
• Druip jy van jou toetse en eksamens?
• Wonder jy of jy die regte kursus studeer ?
• Weet jy nie of jy jou kursus moet staak en of jy dit moet voltooi nie?
• Laat jou studies jou soos ʼn mislukking voel ?

Vir Volwassenes (i.v.m. beroepe):

• Is jy ongelukkig in jou huidige werk?
• Voel jy asof jy die verkeerde persoon in die verkeerde werk is ?
• Weet jy nie wat jou ware sterkpunte is nie ?
• Wonder jy wat anders jy kan doen?
• Is jy onseker oor wat jy met die res van jou lewe wil doen ?

Vir Gesinne :

• Wil jy graag elke lid van jou gesin verstaan ?
• Wil jy weet wat elke lid van jou gesin se sterkpunte en swakpunte is ?
• Is daar ʼn lid van jou gesin wat nie haar of sy volle potensiaal bereik nie ?
• Is daar ʼn lid van jou gesin wat ongelukkig en nog soekend is ?
• Wil jy graag weet hoe jy die verhouding binne jou gesin kan verbeter ?

Vir Werkgewers :

• Wil jy graag seker maak of ʼn persoon die beste persoon vir die werk is ?
• Wil jy graag weet hoe jou werknemer se “kop” werk ?
• Wil jy weet hoe om jou werknemer op die mees produktiewe manier in te span ?
• Wil jy weet hoe om jou werknemer gelukkig en tevrede te hou ?
• Wil jy weet of jy ʼn belegging in ʼn sekere werknemer kan maak ?

HOE WERK DIT ?

q       ʼn Leerder, student of volwassene voltooi ʼn Breinvoorkeure-vraelys wat ongeveer 1 uur neem. Ek doen die verwerking en interpretasie en identifiseer die individu se Breinvoorkeure.  Daarna stel ek ʼn verslag saam van ten minste 10 bladsye – dit bevat die individu se Breinprofiel met o.a. ʼn grafiek en ʼn bladsy met 4 kolomme met persoonlike kenmerke, wat duidelik die persoon se sterker en swakker voorkeure uiteensit.  Die persoon se Breinvoorkeure word dan gekoppel aan o.a. vakke, beroepe en leefstyl-keuses.  

q       Indien u sou belangstel om u eie, of iemand anders se Breinprofiel te laat doen, kies nou òf Opsie 1,  òf Opsie 2, òf Opsie 3 hieronder :  

OPSIE 1 : Dit kos R450-00.  Die individu voltooi die vraelys en ontvang daarna ʼn verslag van ten minste 10 bladsye – alles per e-pos.  Die individu ontvang, druk en bind dit self en lees dit deeglik deur. Die verslag bevat al die nodige inligting en is maklik om te verstaan.   As daar enige verdere vrae is, stuur asb. vir my ʼn e-pos.  Hierdie opsie werk baie goed.

OPSIE 2 : Dit kos R650-00. Die individu voltooi die vraelys per e-pos en by ʼn latere geleentheid vind daar ʼn opvolgafspraak van ten minste 30 minute plaas. Met hierdie afspraak ontvang die individu die gedrukte verslag van ten minste 10 bladsye en ek bespreek die uitslae persoonlik.  Hierdie ontmoeting dien ook as die ideale geleentheid om die persoon te motiveer.   Ek moet natuurlik vir Opsie 2 in Suid-Afrika  wees en dit hang af of die kliënt na aan my woon, of bereid sal wees om te reis.  Ek woon deeltyds op Stellenbosch (Wes-Kaap) en deeltyds op Nieu-Bethesda in die Karoo (Oos-Kaap).  Vir my om ʼn persoonlike terugvoering te kan doen, moet u my asb. vooraf kontak om uit te vind presies wanneer ek in SA sal wees.   

OPSIE 3 : Dit kos R500-00.  Indien dit nader of meer gerieflik is, kan u deur een van my Cum Laude konsultante werk. Ek doen persoonlik die interpretasie en samestelling van die Breinprofiel en die konsultant hanteer die betaling, die uitdeel van die vraelys en die terugvoering. Daar is geen goedkoper Internet opsie beskikbaar as u deur ’n konsultant sou werk nie.  Kontak asb. een van hierdie konsultante direk.   

[1] Gerda van Schalkwyk in Port Elizabeth  by 084 300 8337 of gpanache@yahoo.com 

[2] Petro Barnes op Queenstown  by 084 585 7771 of kaliebarnes@yahoo.com

[3] Amey Crouse in die Graaff-Reinet distrik by 082 678 7229 of jjt@wam.co.za 

[4] Emmie Marx op Burgersdorp  by 082 571 0011 of basiemarx@mweb.co.za                                                                                                                             

 

Indien u Opsie 1 of Opsie 2 hierbo kies, volg asb. nou hierdie instruksies :

1. Stuur vir my ʼn e-pos en vra my bankbesonderhede aan.
2. Betaal òf R450-00 (vir Opsie 1), òf R650-00 (vir Opsie 2)  in my bankrekening in.
3. Stuur vir my òf die geskandeerde betalingsbewys, òf ʼn Internet betalingsadvies, saam met u e-pos in nie 4.  Indien dit egter nie moontlik is nie, maak seker dat u die nodige inligting by no 4 (ix) hieronder invul. 

4. NADAT u die inbetaling gedoen het, stuur dan vir my ʼn e-pos met die volgende persoonlike inligting :

(i)    Naam van die persoon wat getoets wil word

(ii)   Ouderdom

(iii)  Taalvoorkeur (Afrikaans of Engels)

(iv)  Naam van skool (in die geval van ʼn leerder)

(v)   Graad (in die geval van ʼn leerder)

(vi)  e-posadres

(vii)  Selfoonnommer

(viii) Een ander kontaknommer

(ix)   Presiese bedrag en datum van inbetaling.  

5. Nadat die korrekte bedrag inbetaal is, kan dit ʼn paar dae neem voordat die bedrag op my bankstaat verskyn. Wees asb. geduldig. Maar kontak my asb. indien u nie binne 7 dae na inbetaling, die vraelys ontvang het nie.

6. Sodra die bedrag op my bankstaat verskyn en indien ek ook die e-pos met die individu se persoonlike inligting [sien no 4 (i-ix) hierbo] ontvang het, sal ek die Breinvoorkeure-vraelys per e-pos stuur.

7. Bevestig asb. per e-pos sodra u die vraelys ontvang het. Ek moet weet of die vraelys wel by u uitgekom het. 

8. Die vraelys moet op die rekenaar voltooi word en as ʼn aanhegsel teruggestuur word aan my by cumlaude1951@gmail.com.   Ek sal bevestig sodra ek die voltooide vraelys terugontvang het. 

9. Hou asb. hierdie inligting sodat dit as gids kan dien om u deur die verskillende stappe te lei.

Home